Латвия маданият вазири Наурис Пунтулис рус тилидаги контентни оммавий ахборот воситаларидан бутунлай йўқотишга чақирди. Бу ҳақда унинг сўзларига таяниб Россиянинг “РИА Новости” агентлиги хабар берди.
Вазирнинг сўзларига кўра, ОАВда рус тилидаги контент ҳануз сақланиб қолмоқда. Айниқса ҳозирги ҳарбий-сиёсий вазиятда унинг мавжуд бўлиши учун ҳеч қандай асос йўқ, дея таъкидлади вазир.
Уни (рус тилидаги контент)ни қисқартириш нимани англатади? У бутунлай йўқолиши керак ва тамом”, деди у Латвия парламентининг Инсон ҳуқуқлари ва жамоатчилик ишлари қўмитаси йиғилишида.
Латвия парламенти юридик бюроси маълумотларига кўра, ҳозирда ОАВда рус тилидаги материаллар улуши тахминан 2,5 фоизни ташкил этади. 2026 йил 1 январдан бошлаб Латвияда мактабларда рус тилини иккинчи чет тили сифатида ўқитиш тақиқланди.
Шунингдек, давлат оммавий ахборот воситаларида рус тилидаги теле ва радиоэшиттиришлар чекланди, рус тилидаги китоблар савдосига қўлланиладиган солиқ эса 21 фоизгача оширилди.
АҚШ элчиси дунё бошқарувини яҳудийларга бериш таклифи билан чиқди
Туркия Исроилга жавоб зарбасини режалаштирмоқдами?
“Ислом НАТО”сига қўшилишни хоҳловчилар кўпаймоқда
