Кутиб олинг! Энди рангли тишлар урфда

Мода олами ҳамиша ўзгарувчан дунё. Уни тўхтатишнинг ҳечам иложи йўқ! Деярли ҳар куни мода оламида янгича урф кириб келади.

Бу сафарги мода эса қолган барча урфларни ҳам ортда қолдирди дея айта оламиз. Рангли тишлар! Ноодатий, шундай эмасми?! Аммо Голливуд юлдузлари аллақачон бу услубни ўзларида синаб кўришга улгурдилар.

Ушбу тишларнинг рангги ҳамда таъмини дидга қараб танлаб олищ мумкин. Айтиш жоизки, янги тренд нафақат аёллар, балки эркаклар орасида ҳам жуда оммалашди.

Фойдаланувчиларнинг таъкидлашларича, лак ҳеч қандай таъмга эга эмас ва овқатланиш вақтида йўқолиб кетмайди. Бироқ профессионал стоматологлар ушбу воситанинг хавфсизлигини шубҳа остига олишди, чунки унинг таркиби ҳақида ҳеч нарса маълум эмас.