АҚШ президентининг катта маслаҳатчиси Жаред Кушнер бугун Қуддусда Исроил Бош вазири Бенямин Нетаняху билан учрашди, деб хабар беради The Times of Israel хабардор манбага таяниб. Музокараларда Тинчлик Кенгашининг катта элчилари Тони Блер ва Николай Младенов ҳам иштирок этишди. Исроил делегациясининг таркиби ҳали ошкор қилинмади.
Музокаралар Трампнинг Ғазо тинчлик режасининг бир қисми бўлган ва Вашингтон кўмагида ишлаб чиқилган 15 банддан иборат "йўл харитаси"нинг илгари сурилиши фонида бўлиб ўтди. Ҳамас илгари бу ташаббусни қўллаб-қувватлаган эди, аммо Нетаняху уни очиқчасига рад этиб, Исроил қўшинларини олиб чиқиш фақат гуруҳ тўлиқ қуролсизлантирилгандан кейингина мумкинлигини таъкидлаган эди.
Манба АҚШ ва Исроил ўртасидаги келишмовчиликларни бўрттириб кўрсатишдан тийилишга чақирди. Унинг сўзларига кўра, учрашувнинг мақсади Исроилнинг ҳужжатга расмий "имзосини" олиш эмас, балки "режанинг барча мавжуд элементлари бўйича олдинга силжиш".
Аввалроқ, Трампнинг куёви Жаред Кушнер 16-август куни Мисрда ҲАМАСнинг янги етакчиси Халил ал-Ҳайя билан учрашгани маълум бўлган эди. Томонлар нималарни муҳокама қилгани ҳозирча номаълум.
Роналдунинг тўйида онаси қатнашмади
Cobalt’нинг Ўзбекистондаги сотувлари 2 бараваргача тушиб кетди
Мен Хитой-Қирғизистон-Ўзбекистон темир йўли қурилиши учун Путиннинг розилигини олганман – Садир Жапаров
