Куба бутунлай электрсиз қолди.
Бу ҳақда мамлакат Энергетика ва кончилик вазирлиги ижтимоий тармоқларда эълон қилди.
"Электр таъминоти тўлиқ узилди. Қайта тиклаш протоколларини фаоллаштириш ишлари аллақачон бошланган", дейилади баёнотда.
Кейинроқ вазирлик йўлдош газда ишлайдиган учта газ генератори қайта уланганини хабар қилди.
"Миллий электр тармоғини тиклаш ишлари давом этмоқда", деб ёзди вазирлик.
Куба электрчилари касаба уюшмаси Facebookда узилиш 220 кВ Матансас - Сьенфуэгос электр узатиш линиясининг узилиши туфайли юзага келганини хабар қилди. Касаба уюшмаси маълумотларига кўра, ҳудудда беқарор об-ҳаво шароити мавжуд эди.
Кубада охирги марта тўлиқ электр узилиши 3 август куни содир бўлган. Маҳаллий CiberCuba порталининг ҳисоб-китобларига кўра, ҳозирги узилиш Куба электр тармоғининг 2026 йил бошидан бери саккизинчи тўлиқ қулаши ҳисобланади: иккитаси март ойида, учтаси июль ойида ва яна иккитаси август ойида содир бўлган.
Муҳожирлар кетмоқда — Москва эса қайтишга чақирмоқда
АҚШ Эронда қулаган F-15E учувчиларини эвакуация қилиш операцияси кадрларини махфийликдан чиқарди
Бошланғич синф қизлари учун ҳижобни тақишни тақиқлаш таклиф қилинмоқда
