Жорий йил бошидан бери АҚШнинг 200 дан зиёд компанияси банкротлик эълон қилган, бунга эса дунё бозорида нефть нархининг тушиши сабаб бўлган. Ҳозирги нархлар сақланиб қоладиган бўлса, Америка нефть саноати миллиардлаб доллар зарар кўриши мумкин.
Коронавирус пандемияси туфайли нефтга талаб камайди, устига-устак, жорий йилда коронавирус пандемияси туфайли иқтисодий ўсиш сусайиши ҳам кутилмоқда.
Хьюстон университети ўқитувчиси Эд Хирснинг «Анадолу» агентлигига берган интервьюсида таъкидлашича, банклар ва инвесторлар нефть секторидаги компанияларга кредит ажратишни рад этмоқда, оқибатда бу компанияларнинг кўпи касодга учраяпти.
«Америкадаги компанияларнинг анчагинаси пандемиядан олдиноқ нефть қазиб олишни камайтирган эди», – дейди Хирс. Унинг сўзларига кўра, нефть секторида қарийб 70 минг киши ишидан айрилган.
АҚШ нефть компанияларининг умумий қарзи 130 миллиард долларга етди, дейилади хабарда.
Энг кўп банкротлик Техасда эълон қилинди - 98 та компания. Яна 12 компания Колорадода, 11 таси Луизианада, 10 та Нью-Йоркда ва олтита Оклахома ва Калифорнияда жойлашган.
Тожикистонда баҳорги муддатли ҳарбий хизматга чақирув режаси 70 фоизга бажарилди
Америкалик таниқли боксчи Баҳодир Жалолов ҳақида фикр бирдирди
Россия яна бир ҳарбий можарода иштирок этиши мумкин
