Aввалроқ, Канадада 7 нафар ўзбекистонлик авиаҳалокат натижасида ҳалок бўлгани ҳақида хабар берган эдик. Ўзбекистон Tашқи ишлар вазирлиги мазкур маълумотни тасдиқлаган эди.
Самолёт Отабек Облоқулов томонидан бошқарилган, у турмуш ўртоғи ва уч нафар фарзанди, шунингдек, бошқа қариндошлари билан бирга дам олиш кунларини ўтказиш учун Tоронто шаҳридан Кингстон шаҳрига йўл олган. Дастлабки маълумотларга кўра, самолёт қулашининг сабаби ноқулай об-ҳаво бўлиши мумкин.
Mаълумотларга кўра, Отабек ва Бобомуроднинг оиласи уларни Канадада дафн қилишга қарор қилган. Лекин Бобомуроднинг турмуш ўртоғининг ота-онаси ёлғиз қизини Ўзбекистонга олиб кетиб, дафн этишни хоҳлаган. Шу сабабли отасининг тез орада Tоронтога етиб келиши кутилмоқда.
6 декабрь, жума куни Tоронто яқинидаги Скарборо шаҳридаги “Aбу Бакр Сиддиқия” масжидида юзлаб ўзбекистонликлар ва бошқа мусулмонлар иштирокида 7 марҳумнинг жаноза ўқилган. Унда қатнашиш учун ўзбекистонликлар Aмериканинг турли шаҳарларидан ҳам етиб келган.
Жанозадан сўнг 6 та тобут солинган автомашиналар юздан ортиқ киши кузатувида 25 километр шимолда жойлашган Ричмонд Ҳилл яқинидаги мусулмонлар қабристонига олиб борилган.