Камбоджа Бош вазири: "Таиланд билан келишув таслим бўлиш дегани эмас"

27 декабрь куни Камбоджа ва Таиланд бош чегара қўмитасининг махсус йиғилишида эришилган ўт очишни тўхтатиш тўғрисидаги келишув Камбоджанинг таслим бўлиши ёки ўзини ҳимоя қилиш ҳуқуқидан воз кечишини англатмайди.

Бу ҳақда Камбоджа бош вазири Хун Манет маълум қилган.

Ўт очишни тўхтатиш бўйича ўзаро розилик тўғрисидаги қарор, деди у, “Камбоджа таслим бўлаётганини ёки тинчлик йўлида ҳудудий яхлитлигини қурбон қилишга тайёрлигини англатмайди” ёки бу мамлакат “ўз-ўзини мудофаа қилишга қодир эмас ёки ундан воз кечган” дегани эмас. Аксинча, бу қарор босим ва қийинчиликларга қарамай, мамлакатимиз тинч йўлдан боришга қарор қилганини, халқ ҳаёти ва фаровонлигини ўзининг энг олий ва энг муҳим устувор йўналиши сифатида қўйганини кўрсатади, деди Бош вазир.

Камбоджа “тинчлик ва тараққиёт”га устувор аҳамият қаратади, халқаро ҳуқуқ, шартномалар, конвенциялар ва Пномпен обуна бўлган битимлар, хусусан, БМТ Низоми ва АСЕАН Низоми асосида минтақавий ва глобал тартибни сақлашда доимий қўллаб-қувватлайди ва иштирок этади.

Камбоджа ва Таиланд аввалроқ ўт очишни тўхтатишга келишиб олган эди.