ЖЧ олдидан Саудия Арабистон терма жамоасига янги бош мураббий тайинланди

Грециялик мураббий Георгиос Донис Саудия Арабистони миллий терма жамоасига бош мураббий этиб тайинланди.

17 апрель куни, 2026 йилги Жаҳон чемпионати бошланишига икки ой қолганида жамоанинг аввалги мураббийи Эрве Ренард ишдан бўшатилди.

Эслатиб ўтамиз, саудияликлар 2026 йилги Жаҳон чемпионати финал босқичига йўлланма олишган ва у ерда улар H гуруҳида Испания, Кабо-Верде ва Уругвай билан беллашадилар.

56 ёшли Донис 2021 йилдан бери Саудия Арабистонида мураббийлик қилиб келади. У "Ал Ҳилол", "Ал Ваҳда", "Ал Фатеҳ" ва "Ал Халеж" каби клубларни бошқарган.