Жанубий Африка полицияси Кейптаундан 150 километр шарқда мамлакат жанубида жойлашган фермадан қочиб кетган бир нечта ёш тимсоҳларни қидирмоқда, деб хабар берди «АFP» маҳаллий матбуотга таяниб.
Ҳуқуқни муҳофаза қилиш органлари ходимларининг сўзларига кўра, ферма панжарасидаги тешикдан қочиб кетган судралиб юрувчиларнинг аниқ сони номаълум. Узунлиги 1,2 метрдан 1,5 метргача бўлган Нил тимсоҳларини таъқиб қилиш учун махсус бўлим тузилган.
«Фермер хўжалиги эгаси чоршанба куни эрталаб панжара ичидаги катта тешикни кўрган ва кейинчалик тимсоҳларни санаб чиққач, уларнинг бир нечтаси қочиб кетганлигини билган», дейилади хабарда.
Маълум қилинишича, полиция, ҳайвонларни ҳимоя қилувчи фаоллар ва фермерлар тимсоҳларни ҳозирда Келин дарёси атрофида қидирмоқда. Улар аллақачон 27 тимсоҳ боласини махсус катаклардан фойдаланган ҳолда қўлга олишган.
Шойгу уруш тугайдиган “аниқ ва шубҳасиз” санани маълум қилди
Зеленский шуни ёдда тутиши керакки, у Ашраф Ғани каби ёки ундан ҳам баттарроқ бўлиши мумкин
Гарри Каспаров террорчи сифатида тан олинди
