Украина ҳарбийлари Харков йўналишида русларга қарата ўт очиб, уларни ортга сурган. Бу ҳақда Украина қуролли кучлари Бош штаби 13 май, душанба куни маҳаллий вақт билан соат 17:00 ҳолатига кўра маълум қилди.
Қайд этилишича, бутун фронт чизиғидаги вазият Украина мудофаа кучлари томонидан назорат қилинмоқда, улар ўз позицияларини тикламоқда ва муайян ҳудудларда тактик муваффақиятларга эришмоқда.
«Соат 17:00 ҳолатига кўра, Харков йўналишида жанглар давом этмоқда. Ҳарбий тўқнашувлар сони 12 тагача кўпайди. Бизнинг бўлинмалар душманга қарата ўт очди, уни ортга сурди ва Волчанск қишлоғининг шимолий чеккасида тозалаш ишларини олиб бормоқда», — дейилади хабарда.
Ҳарбий тўқнашув Старица қишлоғи ҳудудида ҳам бошланган.
13 май куни кечқурун генерал Сергей Мелник Харков вилоятидаги Волчанск шаҳри Украина томонидан назорат қилинишини маълум қилди. «Бугун, 2024 йил 13 май, соат 16:00, биз Волчанск шаҳридамиз. Мана, черков, биз ҳамма нарсани кўрмоқдамиз. Волчанск шаҳри бугун Украина Қуролли кучлари назорати остида. Вазият барқарор ва назорат остида, ҳаммаси жойида, ташвишланманг. Қуролли Кучларга ишонинг!» - дейилади украиналик ҳарбийлар томонидан ижтимоий тармоқларда чоп этилган видеода.