Ўзбекистоннинг Истанбул шаҳридаги (Туркия) Бош консулхонаси берган маълумотга кўра, 2020 йил 21 февраль куни шаҳар кўчаларидан бирида содир бўлган йўл-транспорт ҳодисаси оқибатида Ўзбекистон фуқароси М.К. вафот этди.
«Бош консулхона зарурат туғилганда ҳамюртимизнинг жасадини дафн этиш учун ватанга юборишда унинг қариндошларига консуллик-ҳуқуқий ва ташкилий масалаларда ёрдам бериш учун вазиятни назоратга олган»,- дейилади ТИВ матбуот хизмати тарқатган хабарда.
Эслатиб ўтамиз, куни кеча икки нафар Ўзбекистон фуқароси Россияда бири баландликдан йиқилиб, бири ёнғиндан вафот этгани хабар қилинган.