Исроил Эронга қарши ҳаракат қилиш эркинлигини сақлаб қолмоқчи

Исроил келажакда Эронга қарши мустақил ҳаракат қилиш имкониятини сақлаб қолиш ниятида.

Бу ҳақда Исроил мудофаа вазири Исраэль Кац ўзининг ижтимоий тармоқ платформасида ёзди.

"Исроил келажакда Эроннинг ядровий қуролга эга бўлишининг олдини олиш учун мустақил ҳаракат қилиш имкониятини сақлаб қолишимизни таъминлаши керак. Бош вазир Беньямин Нетаньяху ва мен Исроил мудофаа кучларига шунга мос равишда тайёргарлик кўришни буюрдик", дейилади постда.

АҚШ-Эрон музокараларига изоҳ берар экан, Кац АҚШ президенти Дональд Трамп "Америка манфаатларидан келиб чиқиб" ҳаракат қилаётганини таъкидлади, бу эса, унинг сўзларига кўра, Исроилнинг Эроннинг ядровий қуролга эга бўлишининг олдини олиш борасидаги позициясига мос келади.

У шунингдек, Вашингтон ушбу сиёсатга, жумладан, ракета дастури ва қуролли гуруҳлар билан боғлиқ фаолиятга оид масалаларда риоя қилишини кутаётганини билдирди.