Испания термаси тарихда илк бор «Реал» вакилларисиз мундиалга йўл олди

«Реал» тарихий антирекордни қайд этди: жамоа илк бор Жаҳон чемпионатида Испания терма жамоаси вакилисиз қолди.

Луис де ла Фуэнте ЖЧ-2026 учун эълон қилинган якуний таркибдан «қироллик клуби»нинг бирорта ҳам футболчисини жой олмади. Бунгача Испания иштирок этган барча 16 та мундиалда «Реал» ўйинчилари доимий равишда чақириб келинганди.

Маълумот учун, «Реал» футболчилари Испания терма жамоасига чақирилмаган ягона йирик турнир — 2020 йилги Европа чемпионати бўлган (ўшанда жамоани Луис Энрике бошқарган). Бундан ташқари, узоқ тарихга назар ташлайдиган бўлсак, шунга ўхшаш ягона ҳолат 1920 йилги Антверпен Олимпия ўйинларида кузатилган эди.