Илон Маск роботаксилар борасида ўзбошимчалик қилмоқда

Tesla Нью-Йоркда такси хизматини йўлга қўймоқчи. Аммо шаҳар қоидаларига кўра, ҳайдовчисиз транспорт воситаларини синовдан ўтказиш ёки бошқаришда ҳокимиятдан рухсат олиш керак. Нью-Йорк шаҳар транспорт департаменти вакили Tesla рухсат олиш учун ариза бермаганини айтди.

Tesla июль ойи охирида Сан-Францискода роботакси ишга туширди, бироқ рулда ҳали ҳам ҳайдовчи бор. Илон Маскнинг роботаксиси Техасда ҳам ишлайди, у ерда маҳаллий қоидалар ҳайдовчи ўриндиғида одамсиз ўзини-ўзи бошқарадиган транспорт воситаларидан фойдаланишга рухсат беради.