2028 йилда “Мирзо Улуғбек” номли илк ўзбек сунъий йўлдошини космосга учириш таклиф қилинди.
Бугун Шавкат Мирзиёев раислигида ўтган йиғилишда фазога сунъий йўлдош чиқариш ва миллий космонавтни тайёрлаш масалалари кўриб чиқилди.
Йиғилишда президент ташаббуси билан биринчи миллий космонавтни тайёрлаш ва уни фазога учириш стратегик вазифа сифатида белгиланди.
"Бу шунчаки рамзий қадам эмас, балки мамлакатимиз илмий салоҳияти, ёшларимиз орзуси ва миллий ғуруримиз ифодаси бўлади", — деган давлат раҳбари.