Ҳиндистон ҳукумати Қатар амирининг отаси Ҳамад бин Халифа Ол Сонийнинг вафоти муносабати билан 13 июль куни бир кунлик миллий мотам эълон қилди.
Бу ҳақда Ҳиндистон Ташқи ишлар вазирлиги маълум қилди.
Мотам куни давомида мамлакатдаги барча биноларда Ҳиндистон давлат байроғи ярим туширилади. Бундан ташқари, душанба куни расмий кўнгилочар тадбирлар бекор қилинди.
Ҳиндистон Бош вазири Нарендра Моди Қатар амирининг отасининг вафоти муносабати билан ҳамдардлик билдириб, уни Ҳиндистоннинг дўсти ва визёнер раҳбари деб атади.
Араб етакчиси идораси аввалроқ хабар берганидек, Қатарни 1995 йилдан 2013 йилгача бошқарган Шайх Ҳамад бин Халифа Ол Соний 74 ёшида вафот этди. 2013 йил июнь ойида у ўз ўғли, ҳозирги амир Шайх Тамим бин Ҳамад Ол Соний фойдасига тахтдан ихтиёрий равишда воз кечди ва шундан сўнг у расман Амирнинг отаси унвонини қабул қилди.
Ҳиндистон ТИВ Россия дипломатини чақиртирди
Россияда мигрантларни депортация қилиш учун асослар кенгайтирилди
1 августдан автомобиллар учун газ бепул бўлади
