Ҳиндистон Starlink учун рухсатномаларни тўхтатиб қўйди

Ҳиндистон ҳукумати миллий хавфсизлик муаммолари туфайли Starlink сунъий йўлдош интернет хизмати учун рухсатномаларни тўхтатиб қўйди.

Бу ҳақда Bloomberg манбаларига таяниб хабар берди.

Ҳисоботда АҚШ ва Исроилнинг Эронга ҳужумлари билан боғлиқ можаро фонида Ҳиндистон ҳукумати томонидан SpaceX сунъий йўлдош терминалларидан фойдаланиш бўйича кўтарилган хавотирлар келтирилган. Нью-Дели геосиёсий кескинлик даврида унинг Америка операторини бошқариш қобилияти чекланиши мумкинлигидан хавотирда.

Манбаларнинг хабар беришича, Ҳиндистон Ички ишлар вазирлигидаги хавфсизлик идоралари ҳали Starlink хизматини мамлакатда ишга тушириш учун зарур бўлган якуний рухсатномаларни бермаган.

Бундан ташқари, сунъий йўлдош спектридан фойдаланиш нархини белгилаш бўйича таклифларни кўриб чиқиш тўхтатилди. Ушбу процедура Starlink ва унинг ҳинд рақобатчилари томонидан сунъий йўлдош интернет тизимларини тижорат мақсадларида ишга тушириш учун зарур.

Bloomberg хабарига кўра, Ҳиндистон Телекоммуникация Департаменти аллақачон тегишли қоидаларни тайёрлаган, аммо ҳужжат ҳали федерал вазирлар маҳкамасига тасдиқлаш учун тақдим этилмаган.