Германиянинг Лангенхаген шаҳрида юк машинаси йўловчилар билан тўла автобусни урди. Тўрт нафар бола яраланди, бир киши воқеа жойида вафот этди, деб ёзади “ТAСС” немис матбуотига таяниб.
Бахтсиз ҳодиса 9 август куни тахминан 18:20 (Тошкент вақти билан 21:20) да содир бўлган. Дастлабки маълумотларга кўра, бахтсиз ҳодиса светофорнинг носозлиги туфайли содир бўлган бўлиши мумкин.
Воқеа сабаблари ҳозирча аниқланмаган. Воқеа жойида тез ёрдам ходимлари ва шифокорлар ишламоқда.