Германия АҚШ сабаб ЖЧ-2026ни бойкот қилиши мумкин

Германия Бундестагидаги Христиан Демократик Иттифоқи ва Христиан Социал Иттифоқи фракциясининг ташқи сиёсат бўйича вакили Юрген Хардт 2026 йилги Жаҳон чемпионатини бойкот қилиш имкониятини эълон қилди ва бу қандай ҳолатларда кўриб чиқилиши мумкинлигини тушунтирди. Унинг сўзларини Bild нашри келтирди.

«Турнирни бекор қилиш фақат Доналд Трампни Гренландия масаласида ҳушига келтиришнинг сўнгги чораси сифатида кўриб чиқилиши мумкин», деди Хардт.

Сўнгги вақтларда АҚШ томонидан Гренландияни эгалланиши мавзуси кўп муҳокама қилинмоқда. АҚШда Дания билан музокаралар ҳам натижасиз бўлиб чиқди.

ОАВ илгари АҚШнинг ҳаракатларига жавобан қарийб 17 000 мухлис Жаҳон чемпионати чипталарини бир кечада бекор қилгани ҳақида хабар берган эди. 3 январ куни АҚШ кучлари Венесуэлага ҳаво ҳужумини бошлади ва унинг раҳбари Николас Мадуро рафиқаси билан бирга қўлга олиниб, Қўшма Штатларга олиб кетилди.

2026 йилги ФИФА Жаҳон чемпионати 23-жаҳон чемпионати бўлади, финал турнири 2026 йил июнь ва июль ойларида АҚШ, Канада ва Мексикада бўлиб ўтади. Финал 19 июлга белгиланган. Дастлаб, финал турнирида одатдагидек 32 та жамоа иштирок этиши режалаштирилган эди, аммо 2017 йил 10 январьда ФИФА президенти Жанни Инфантино жамоалар сонини 48 тага оширишни эълон қилди.