Францияда таълим соҳасидаги норозиликлар кучаймоқда. Мамлакатнинг йирик ўқитувчилар касаба уюшмалари 6 октябрь, сешанба куни умуммиллий иш ташлаш ўтказиш ва талабалар намойишларига қўшилишини маълум қилди.
FSU, CGT, FO, CFDT, UNSA ва Solidaires каби касаба уюшмалари қарорини қўллаб-қувватлади. Норозиликлар сентябрь ойи охирида бошланган бўлиб, Франция бўйлаб юзлаб ўрта мактабларда дарслар тўхтатилиши ва бинолар блокада қилинишига олиб келган.
Ўқувчилар ўқитувчилар етишмаслиги, синфларда ўқувчилар сонининг кўплиги, мактаб биноларининг эскиргани ва таълим шароитларининг қониқарсизлигидан норози.
Касаба уюшмалари таълим тизимига ажратиладиган маблағни кўпайтириш, қўшимча ўқитувчилар ишга олиш ва мактаб инфратузилмасини яхшилашни талаб қилмоқда.
Айрим намойишлар тўқнашувларга айланган ва натижада кўплаб одамлар қўлга олинган, ўнлаб киши жароҳатланган. Франция ҳукумати намойишчиларнинг айрим талабларини муҳокама қилиш мумкинлигини билдирган, бироқ зўравонлик ҳолатларини қоралаган.
Аэропортда янги туғилган чақалоқ ва унинг онаси вафот этди
Айиқ овлаганларга пул мукофоти ваъда қилинди
13 ёшли қиз эгизак фарзандли бўлди
