Франция ва Испанияда хавфли ҳудудлардан 200 мингдан ортиқ аҳоли эвакуация қилинди. Францияда ёнғинлар қамраб олган майдон эса кузатувлар тарихидаги энг юқори кўрсаткичга етди.
Франция ва Испанияда кенг кўламли ўрмон ёнғинлари тарқалишда давом этмоқда. Шу сабабли ҳукуматлар 200 мингдан ортиқ кишини хавфсиз ҳудудларга кўчиришга мажбур бўлди. Франция Ички ишлар вазирлиги маълумотига кўра, мамлакатда 167 минг нафар аҳоли ўз уйини тарк этган, Испанияда эса яна 45 мингга яқин киши эвакуация қилинган.
Франциядаги энг оғир вазият Бордо шаҳри яқинидаги Жиронда ва Ланд ҳудудларида сақланиб қолмоқда. Бу ерда ёнғинлар ҳафта бошида бошланган. Шанба куни ҳокимият Ле-Айан, Эзин ва Мериньяк каби Бордо атрофидаги шаҳарларда аҳолини эвакуация қилишни бошлади.
Франция бош вазири Себастьен Лекорню мамлакатдаги ёнғинлар «ҳали ҳеч қачон кузатилмаган даражага етганини» билдирди. Ёнғинларга қарши курашга Франция армияси бўлинмалари ҳам жалб қилинган.
Европа ўрмон ёнғинлари ахборот тизими (EFFIS) маълумотига кўра, 2026 йил бошидан бери Францияда 69 473 гектар ҳудуд ёниб кетган. Бу 2022 йилда қайд этилган 66 337 гектарлик аввалги рекорддан ҳам юқори кўрсаткич бўлиб, 2006 йилдан буёнги кузатувлар тарихида жорий йилни энг вайронкор ўрмон ёнғинлари мавсумига айлантирди.
Ўн йилдан сўнг пулнинг аҳамияти деярли қолмайди
1 августдан автомобиллар учун газ бепул бўлади
Эрон 200 нафардан ортиқ америкалик ҳарбий хизматчиларни йўқ қилди
