“Формула-1” автопойгасининг тақвимида Вьетнамдаги пойга пайдо бўлади. Бу пойга 2020 йилдан чемпионатнинг бир қисмига айланади. Пойга Ханой яқинидаги вақтинчалик трассада ўтади. 5565 метр узунликка ва 22 та бурилишга эга трасса стадион яқинида, янги бунёд қилинган туманда яратилади. Трассада 1,5 кмлик тўғри йўл бўлади, бу эса пойга болидларига 335 км/соатгача тезлашишга имкон беради.
Бўлғуси трассанинг баъзи қисмлари “Формула-1”ни қабул қилувчи бошқа трассаларни эслатиб юборади.
Бўлғуси Гран-При ўтадиган жойни “Формула-1”нинг пойгалар бўйича директори ва FIA’нинг хавфсизлик бўйича делегати Чарли Уайтинг кўздан кечириб чиққан. Уайтинг ишлар муддатида якунланишига шубҳа қилмаслигини айтган. “Трассанинг катта қисми кўчалар кўринишида мавжуд, бироқ бир секция ҳали қурилмаган. Бу очиқ майдон бўлиб, унда бокслар бинолари қурилади. Кейин трассанинг бу қисми ҳам йўл бўлади”, деб айтган Уайтинг.
Ҳозирда пойга 21 та босқичдан иборат.
Manba: kun.uz
Америкалик таниқли боксчи Баҳодир Жалолов ҳақида фикр бирдирди
Россия яна бир ҳарбий можарода иштирок этиши мумкин
ЕЧЛ. Ярим финал. "Бавария" "Реал" билан жанговар дуранг қайд этди
