Филиппинда 7,8 магнитудали зилзила юз берди

​Европа-Ўртаер денгизи сейсмология маркази маълумотларига кўра, зилзила эпицентри тахминан 679 минг киши истиқомат қиладиган Генерал-Сантос шаҳридан 58 км узоқликда жойлашган. Ер силкинишлари оқибатида бинолар қулаб тушган.

​Мутахассислар Филиппин, Индонезия, Палау, Тайван ва Папуа — Янги Гвинея учун цунами хавфини эълон қилишди. Тўлқинлар баландлиги уч метргача етиши мумкин.

​"ABS-CBN News" телеканалининг хабар беришича, зилзила оқибатида бир киши ҳалок бўлган, яна тўрт киши жароҳатланган.