Фати АПЛ грандлари нишонига айланди

"Барселона" ҳужумчиси Ансу Фати фаолиятини Англия Премьер-лигасида давом эттириши мумкин, дея хабар берди Mundo Deportivo.

Қайд этилишича, футболчига "Ливерпуль" ва "Манчестер Юнайтед" жиддий қизиқиш билдирмоқда. Мерсисайдликлар уни Маненинг ўринбосари сифатида кўраётган бўлса, манкунианликлар Роналдунинг ўрнига Фатини олиб келмоқчи.

20 ёшли форварднинг каталонияликлар билан шартномаси 2027 йилгача мўлжалланган. Унинг товон пули 1 миллиард евро.