Фарзандини 100 долларга сотмоқчи бўлган она ҳибсга олинди

"New York Post"нинг хабар беришича, Техас фуқароси бўлмиш 44 яшар она Керри Сью Келли 8 яшар қизини 100 долларга пуллаётиб қўлга олинган.

Маълум бўлишича, она “Skelly74” ники билан танишув сайтида небраскалик битта кимса билан танишиб қолади. У янги танишининг фоҳишабозлик билан шуғулланишини билгач, унга 100 долларга “ёшгина товар” борлигини айтади. Виждони борлиги эсига тушган таниши эса полицияга хабар бериб, биргаликда операция бошлашади. Режага мувофиқ полиция ходими унинг номидан Керри Сью билан боланинг нархини келишади ва олди-сотди пайтида қўлга олишади.

Энг қизиғи шундаки, Керри Сью Келлининг ақлида ҳеч қандай қусур йўқ, у соппа-соғ.