Европа комиссари: "Европа узоқ муддатли инқирозга тайёргарлик кўриши керак"

Европа энергетика комиссари Дан Йоргенсен Financial Times (FT) нашрига берган интервьюсида Европа Эрондаги уруш туфайли "узоқ муддатли энергия шоки"га тайёргарлик кўриши кераклигини айтди.

Йоргенсен Европа Иттифоқи расмийлари турли сценарийларни ва "ёқилғи танқислигига қарши курашишнинг барча вариантларини" кўриб чиқаётганини таъкидлади. Энг ёмон ҳолатда, улар истеъмолни чеклаш ва захиралардан кўпроқ нефть чиқаришни ўз ичига олади.

"Бу узоқ муддатли инқироз бўлади... энергия нархлари жуда узоқ вақт давомида юқори бўлади", деди жаноб Ёргенсен. "Бизнинг таҳлилимиз шуни аниқ кўрсатадики, бу вазият узоқ давом этади ва мамлакатлар... уларда керакли ҳамма нарса борлигига ишонч ҳосил қилишлари керак." Комиссарнинг қўшимча қилишича, Европа Иттифоқи расмийлари ҳозирда можаронинг "таркибий ва узоқ муддатли оқибатлари"ни ҳал қилиш режаларини ишлаб чиқмоқдалар.

Йоргенсен шунингдек, Европа Иттифоқи бу йил Россиядан газ импортини тўхтатиш режасини ўзгартириш режаси йўқлигини тасдиқлади. Унинг сўзларига кўра, "бунинг ўрнига АҚШ ва бошқа ҳамкорлардан етказиб беришга таяниш янада мақбул вариант, чунки улар эркин бозор муҳитида ишлайди".