Эронда интернетга кириш бўйича барча чекловлар олиб ташланади

Бу ҳақда “ТАСС” агентлиги дипломатик манбасига таяниб хабар берди.

"Эрон президенти Масъуд Пизишкиён тегишли органлардан интернет бозорини жонлантириш ва жамоатчиликнинг халқаро интернетга киришини таъминлаш учун барча чекловларни олиб ташлашни талаб қилди. Ҳозирда бу жараён босқичма-босқич амалга оширилмоқда", — деди агентлик манбаси.

Эслатиб ўтамиз, Эронда ҳукуматга қарши намойишлар фонида 8 январ куни интернетга кириш тўлиқ чекланган эди.