Эрон Тель-Авив шарқига ҳужум қилди, қурбонлар бор

Тель-Авивнинг шарқий чеккасида Эрон ракета ҳужуми натижасида икки киши ҳалок бўлди ва яна бири оғир жароҳат олди.

Бу ҳақда Magen David Adom тез тиббий ёрдам хизмати хабар бермоқда.

Фожиа Рамат-Ган ва Бней-Брак маҳаллаларида содир бўлган.

Хабарга кўра, Рамат-Ганда бир эркак ва бир аёл оғир шрапнель жароҳатлари олганидан сўнг вафот этган деб эълон қилинган. Бней-Бракда 25 ёшли эркак қўлидаги оғир жароҳат билан даволанган ва кейинчалик касалхонага ётқизилган.