Эрон оқилона йўл тутса, келишувга рози бўлади – Пентагон раҳбари

АҚШ Мудофаа вазири Пит Ҳегсет Эрон билан боғлиқ вазият юзасидан кескин баёнотлар билан чиқди.

Унинг таъкидлашича, Доналд Трамп бу масалада ҳазиллашаётгани йўқ ва ортга чекинмоқчи эмас. Агар Теҳрон келишувга тайёр бўлмаса, АҚШ Мудофаа вазирлиги ҳарбий ҳаракатлар шиддатини янада оширишда давом этади.

Хегсетнинг фикрича, яқин кунлар ҳал қилувчи аҳамиятга эга ва Эрон ҳозирги ҳолатда ҳарбий жиҳатдан деярли ҳеч қандай қаршилик кўрсата олмайди.

Вазирнинг сўзларига кўра, Эронда янги режим аллақачон шаклланган ва у аввалгисидан кўра донороқ бўлиши керак. Трамп келишувга тайёр ва унинг шартлари Теҳронга яхши маълум. Шунингдек, Ҳегсет АҚШ ҳарбий саноати Иккинчи жаҳон урушидан бери кузатилмаган даражада юқори суръатлар билан ривожланаётганини алоҳида қайд этди.

Бундан ташқари, Пентагон раҳбари дунё давлатлари муҳим сув йўллари устидан назоратни кучайтиришга тайёр туриши кераклигини билдирди.

У Вашингтон Россия ва Хитойнинг ҳаракатларидан тўлиқ хабардор эканини ва бу масала билан шуғулланаётганини таъкидлади. Ҳозирда музокаралар жараёни жуда фаол, реал ва тобора куч йиғиб бормоқда.