Эрон Қўшма Штатлар билан урушни бутунлай тугатиш бўйича музокараларда ҳеч қандай тараққиёт бўлмагани сабабли ўз сиёсатини мудофаа сиёсатидан тўлиқ ҳужумга ўтказишга қарор қилди.
Бу ҳақда Reuters агентлигига Эроннинг юқори лавозимли амалдори маълум қилди.
Амалдорнинг сўзларига кўра, можарони тугатиш ва стратегик жиҳатдан муҳим бўлган Ҳормуз бўғози орқали нефть танкерлари қатновини қайта тиклаш бўйича музокаралар тўхтаб қолган. Бироқ, ҳозирча ҳарбий ҳаракатларнинг яқин орада тугаши ҳақида ҳеч қандай аломат йўқ.
"Эрон институтлари Ҳормуз бўғозида ва умуман минтақада кескинликнинг кучайишига тайёр бўлиши керак, чунки Эрон қийин вазиятларда қарор қабул қилишга ва чоралар кўришга тайёр бўлади", деди амалдор.
Унинг қўшимча қилишича, агар дипломатик саъй-ҳаракатлар муваффақиятсиз бўлса, Теҳрон АҚШ денгиз блокадасини бузиш учун "ўз вақтида ва аниқ" ҳарбий ҳужум бошлайди.
Душанба куни Эрон ва АҚШ 17 июнь куни имзоланган ўзаро англашув меморандуми бўйича якуний келишувга эришиши кутилган сана эди.
Муҳожирлар кетмоқда — Москва эса қайтишга чақирмоқда
Сурхондарёда 3700 йиллик қабрлар ўрганилмоқда
"Мен ҳеч қачон 102-ҳарбий базани Арманистондан олиб чиқиш масаласини кўтармаганман"
