Эрдўған Сурия келажаги учун энг катта хавфни айтди

Туркия президенти Ражаб Тоййиб Эрдўған Суриядаги Фрот дарёсининг шарқий қирғоғини энг хавфли ҳудуд деб атади.

Унинг сўзларига кўра, бу ҳудудда Сурия курдларининг ўз-ўзини мудофаа қилиш кучлари назорат ўрнатган.

«Айни вақтда бу террорчилик ботқоғи Сурия келажаги учун энг катта хавф ҳисобланади», деган Эрдўған.

У бу «ботқоқ» Анқаранинг айрим иттифоқчилари кўмаги билан кенгайиб бораётганини таъкидлаган. Президент бу сўзлари билан Қўшма штатлар Суриядаги мухолифатчи курдларни қўллаб-қувватлашига ишора қилган.

Manba: kun. uz