Эрдоған: "Швецияни карахт аҳволга солиб қўямиз"

Туркия президенти Ражаб Тоййиб Эрдоған Анқара Финляндия ва Швециянинг НАТОга аъзо бўлиш ташаббусларига бошқача муносабатда бўлиши мумкинлигини айтди.

Билежик вилоятида нутқ сўзлаган Эрдўған, керак бўлса Туркия Финляндия ва Швеция учун турли баёнотлар беришини айтди. Унинг қўшимча қилишича, Стокгольм карахт аҳволга тушиб қолади.

Шу билан бирга, Туркия ҳукумати ўз фуқароларини Туркияга қарши намойишлар муносабати билан Европага боришдан тийилишга чақирди.