Чехия Бош вазири Андрей Бабиш Франция мисолида 15 ёшгача бўлган болалар учун ижтимоий тармоқларни тақиқлашни қўллаб-қувватлади.
У бу баёнотни Facebookда эълон қилинган видеомурожаатда билдирди.
“Мен шуни тарафдориман, чунки, таниш мутахассислар айтганидек, бу жуда зарарли ва биз фарзандларимизни ҳимоя қилишимиз керак”, деди Бабиш.
Кейинроқ Бош вазир ўринбосари Карел Гавличек ҳукумат мутахассислар билан тақиқлаш имкониятини муҳокама қилаётганини ва шу йил бундай таклифни тақдим этиш ниятида эканлигини қўшимча қилди.
“Вақтни беҳуда сарфлашнинг ҳожати йўқ. Ижтимоий тармоқлар болалар ҳаётини барбод қилмоқда; у ҳақиқатан ҳам вабога айлана бошламоқда”, деди Гавличек CNN Prima News телеканалида.
Январь ойи охирида Франция миллий мажлиси 15 ёшгача бўлган болаларга ижтимоий тармоқлардан фойдаланишни тақиқловчи қонун лойиҳасини биринчи ўқишда қабул қилди. 2025 йилда Австралияда ҳам шунга ўхшаш қонун кучга кирди, унга кўра 16 ёшгача бўлган ўсмирлар учун ижтимоий тармоқларга кириш тақиқланди.
Февраль ойи бошида Испания Бош вазири Педро Санчес 16 ёшгача бўлган болалар учун ижтимоий тармоқлардан фойдаланишни тақиқлаш режасини эълон қилди, деб хабар берди rbc.ru.
Starlinkнинг ўчирилиши фронтдаги вазиятни ўзгартирди
Россия АҚШ таклифини рад этди
Россия — чиқиш йўли: босиб олинган Абхазия норозилик билдирди
