Буюк Британия мамлакатдаги коронавирус хавфини максимал — бешинчи даражадан тўртинчи даражагача камайтирди. Тегишли қарор Англия, Шимолий Ирландия, Уэльс ва Шотландия санитария бош шифокорлари томонидан қабул қилинди. Бу ҳақда «Korrespondent.net» хабар қилди.
«Бутун мамлакат бўйлаб соғлиқни сақлаш тизими аввалгидек сезиларли босим остида қоляпти, касалхоналардаги беморларнинг сони ҳам юқори, лекин жамоавий саъй-ҳаракатлар туфайли биз барча асосий кўрсаткичларнинг изчил пасайишини кузатяпмиз. Миллий соғлиқни сақлаш тизими ва бошқа тиббий хизматлар уч ҳафта ичида босим остига тушиб қолиши ҳақидаги хавотирлар энди йўқ», — дейилади қўшма баёнотда.
Шу билан бирга, бир ойдан буён камайиб бораётганига қарамай, вирус билан зарарланишнинг янги ҳолатлари ва касалхонага ётқизишлар, шунингдек, ўлимлар сони «аввалгидек жуда баланд бўлиб қоляпти».
Аввалроқ Буюк Британияда COVID-19 сабаб эълон қилинган асосий чекловлар июнь ойи охирида бекор қилиниши мумкинлиги ҳақида хабар берилган эди.
Украина президенти Россия билан музокараларга тайёр эканини айтди
Эрон ракеталарининг аксарияти Исроилнинг Аrrow мудофаа тизими ёрдамида қўшни давлатлар устида уриб туширилган
Москва Исроилнинг эҳтимолий ҳужумидан ҳимоя қилиш учун Эронга замонавий қирувчи ва ҳаво мудофаа тизимларини топшириши мумкин
