Олимпиада-2016 бронза медали совриндори Муроджон Аҳмадалиев 13 сентябрь куни Нью-Йоркда ўтказилган бокс шоуси доирасида колумбиялик Уилнер Сотони техник нокаутга учратди.
Ярим енгил вазнда WBA титули учун мажбурий номзод Муроджон Аҳмадалиев (7−0, 6 KO) биринчи ярим енгил вазнда WBA ва IBF чемпиони Дэниэл Романга (27−2−1, 10 КО) қарши рингга кўтарилиши керак эди, бироқ у чемпионлик учун жангга бир неча кун қолганда жароҳат олди.
Наманган вилоятидан чиққан спортчи тўртинчи раундда Уилнер Сотога (22−7, 12 KO) кетма-кет зарбалар йўллаганидан сўнг ҳакам беллашувни тўхтатишга қарор бериб, ўзбекистонликни техник нокаут орқали ғалабага эришганини эълон қилди.
«Мен жанг қилиш учун туғилганман, — деди Муроджон Аҳмадалиев. — Мен бугун, эртага ва дунёнинг ҳар бир ерида жанг қилишга ҳар доим тайёрман».
U23 Осиё кубоги. Ўзбекистон термасининг финалдаги рақиби маълум
"Реал Мадрид"нинг Мюнхэнга борадиган футболчилар рўйхати маълум (фото)
"Реал"нинг икки юлдузи навбатдаги ўйинда иштирок этмаслиги мумкин
