Бокс. Ҳасанбой Дўсматов ғалаба қозонди, Фазлиддин Ғойибназаров мағлубиятга учради

Россиянинг Сочи шаҳридаги Red Arena мажмуасида профессионал бокс оқшоми бўлиб ўтди.

Унда ярим ўрта вазнда Ботир Аҳмедов (10-3-0) ва Муҳаммадсалим Сотволдиев (7-8-2) ўртасидаги жанг бўлиб ўтди. Жангда Сотволдиев жароҳат олгани боис ғалаба Аҳмедовга тақдим этилди.

Ҳаваскор бокс бўйича олимпиада ва жаҳон чемпиони Ҳасанбой Дўстматов (6-0, 5 КО) ЖАР вакили Сифамандла Баленига (21-6-2, 8 КО) қарши рингга кўтарилди. Жанг тўлиқ 10 раунд давом этди. Якунда ҳакамларнинг барчаси Дўстматовнинг ғалабасини қайд этди.

Ушбу бокс оқшомида Фазлиддин Ғойибназаров (11-2, 6 КО) WBA йўналиши собиқ чемпиони Ражаб Бутаевга (15-1, 12 КО) қарши рингга кўтарилди. 10 раундлик жанг 4-раундда Бутаевнинг техник нокаутли ғалабаси билан якунига етди. Фазлиддин жангни давом эттира олмаслиги маълум қилинди ва ҳакамлар техник нокаут қайд этди.