Флорида штатида синовлар вақтида содир бўлган Blue Origin компаниясига тегишли New Glenn ракетасининг портлаши АҚШдаги авиақатновларга таъсир кўрсатмади.
Бу ҳақда АҚШ Федерал фуқаролик авиацияси бошқармаси (FAA) CNN телеканалига берган изоҳида маълум қилди.
«Ушбу синовлар FAA томонидан рухсат берилган фаолият доирасига кирмаган. Бу ҳолат ҳаво ҳаракатига ҳеч қандай таъсир кўрсатмади», — дея таъкидлади бошқарма вакиллари.