Bloomberg: Байден Трамп келгунига қадар Украинани имкон қадар мустаҳкамламоқчи

АҚШнинг амалдаги президенти Жо Байден Дональд Трамп президентлик лавозимига киргунга қадар Украинани имкон қадар мустаҳкамлаш ниятида.

Бу ҳақда Bloomberg манбаси маълум қилди. Унинг сўзларига кўра, Вашингтоннинг Россияга узоққа отиш қуроллари билан зарба беришга рухсат бериши ва бошқа қадамлар Киевга Украинанинг можаро давом этса, Москвага қарши жавоб ҳаракатлари учун салоҳияти борлигини кўрсатишга ёрдам бериши керак.

"Бу, шунингдек, ҳали кўриб чиқилаётган бошқа қадамлар каби, Байденнинг Трамп лавозимга киргунга қадар Украинани мустаҳкамлаш учун қўлидан келган ҳамма нарсани қилиш режасининг бир қисмидир," - дея қайд этади агентлик.