Байден бой фуқаролардан кўпроқ солиқ ундирмоқчи

АҚШ президенти Жо Байден аҳолининг бой қатлами учун солиқларни оширишни ўзининг бирламчи вазифаси деб ҳисобламоқда.

Солиқлар кўринишида жалб қилинажак, қиймати 1 триллион долларга тенг маблағлар болаларни ҳимоя қилиш, АҚШда умумий мактабгача таълимни яхшилаш ва ишчилар учун пулли таътил бериш каби йўналишларга сарфланади.

Лойиҳага кўра, даромади 1 миллион доллардан ортиқ бўлган фуқаролар даромад солиғини 39,6% қийматда тўлайдилар.

Республикачилар қонун ҳужжатини рад этмоқдалар. Агарда демократларнинг ҳам баъзилари унга қарши чиқсалар, лойиҳа ҳеч қачон қабул қилинмаслиги мумкин.