2026 йил 1 февралдан Тошкент шаҳрида пулли йўлбўйи автотураргоҳларига яқин ҳудудларда истиқомат қилувчи фуқаролар учун резидент автотураргоҳ рухсатномалари амалиёти йўлга қўйилади. Янгича тартибга кўра, резидентлар тунги вақтда бепул тўхтаб туриш имкониятига эга бўлади, кундузи эса имтиёзли шартларда фойдаланади.
Қарорга мувофиқ, резидент автотураргоҳ рухсатномаси — “электрон ҳукумат” тизимидаги резидент рухсатномалари реестрига киритиладиган электрон ёзув бўлиб, у белгиланган пулли автотураргоҳ жойларида автомобилни жойлаштириш ҳуқуқини беради. Резидентлар қаторига пулли автотураргоҳлар жойлашган ҳудудларда ёки уларга туташ маҳаллалардаги уй-жойларда яшовчи (мулк ҳуқуқига эга ёки мулк ҳуқуқида улуши бор) транспорт воситаси фойдаланувчилари киритилади .
Тартибга кўра, рухсатномада кўрсатилган автомобилни соат 20:00 дан 08:00 гача бепул жойлаштириш мумкин, қолган вақтларда эса амалдаги тарифлар асосида тўлов ундирилади.
Шунингдек:
рухсатнома 1 йил муддатга берилади;
йиллик резидент тўлови 1 БҲМ (ҳозирда 412 минг сўм) миқдорида белгиланган;
ҳар бир тураржой (манзил) учун кўпи билан 2 та резидент рухсатномасини реестрга киритиш мумкин;
аризани Ягона интерактив давлат хизматлари портали орқали топшириш режалаштирилган.
Янги тартиб 2026 йил 1 февралдан кучга киради.
Якутия дунёнинг энг совуқ минтақалари рейтингида пешқадам бўлди
АҚШ ҳарбийлари Санта Клаус Россия узра учиб ўтганини маълум қилди
Украина амалдорлари хорижга қочишга тайёргарлик кўрмоқдами?
