Австралиянинг Квинсленд штати, Брисбен жанубидаги қишлоқ жойларида енгил самолёт ҳалокати оқибатида икки киши ҳалок бўлди.
Австралия оммавий ахборот воситаларининг хабар беришича, полиция воқеани тасдиқлади.
Beech Bonanza самолёти Арчерфилд аэропортидан учиб кетганидан тахминан 10 дақиқа ўтгач, Стокли ҳудудидаги хусусий мулкка қулаб тушди. Ҳалокатдан сўнг, ўтлоқли ҳудудда катта ёнғин содир бўлди. Учувчи ва йўловчи ҳалок бўлди.
Маъмурият маълумотларига кўра, самолёт қолдиқлари бутун ҳудудга сочилиб кетган ва ёнғин тезда тахминан 300 га 400 метр майдонга тарқалди. Воқеа жойига бир нечта ўт ўчириш бригадалари етиб келишди ва мулкдаги уйга яқинлашган ёнғинни тезда ўчиришди. Ҳеч қандай зарар кўрилмади.
Полиция терговнинг ушбу босқичида парвоз пайтида самолётга нима бўлганлиги ҳақида ҳеч қандай маълумот йўқлигини маълум қилди.
Австралия транспорт хавфсизлиги бюроси ҳалокат ҳолатларини текширишни бошлади.
Шаҳноза Мирзиёева Мусулмон Юнусовнинг мурожаатига муносабат билдирди
Фарғонада кўп қаватли уй "подвалида" акула боқилаётгани аниқланди
💴 Адлия вазирлиги Ўзбекистондаги пенсия ва нафақалар миқдорини эслатди
