Ўтган йилнинг кузида Америка Қўшма Штатлари ўз армияси сафига кибер-ўйинлар ишқибозларини чорлай бошлаган эди. Энди худди шундай тажрибани Буюк Британия ҳам қўлламоқда.
Англия армиясининг маъмурияти геймерларни Қуролли кучлар сафига чақирувчи бир қатор тарғибот плакатлари чиқарди. Улардан асосий мақсад виртуал ўйинлар ишқибозларини армия сафларига жалб этишдир.
Армиянгиз сизга муҳтож деб номланган ушбу тарғибот кампаниясининг мақсади рақамли технологияларга боши билан шўнғиб кетган ёш авлодни ҳарбий бўлишга қизиқтиришдан иборат.