АҚШда торнадо оқибатида етти киши ҳалок бўлди

Пайшанба куни Теннесси, Миссури ва Индиана штатларида 30 дан ортиқ торнадо, дўл ва кучли ёмғир туфайли жанубий ва ўрта ғарбда етти киши ҳалок бўлди.

Штатлар сув босган кўчалар ва электр узатиш линиялари билан шуғулланмоқда. Америка Қўшма Штатларининг Ўрта Ғарбий ва жанубидаги шаҳар ва туманлар яқин кунларда кутилаётган кучли сув тошқинларига тайёргарлик кўриш саъй-ҳаракатларини кучайтирмоқда, деб хабар беради The New York Times.

Армия муҳандислар корпуси, Миссури штатидаги Поплар-Блафф яқинидаги тўғонни мустаҳкамлаш учун 1500 га яқин қум қопларини тўлдирганини айтди. Дам олиш кунларида Қора дарёнинг деярли рекорд даражага кўтарилиши кутилмоқда.

Миллий об-ҳаво хизмати ҳафта охири 10 дан 15 дюймгача (254 мм дан 381 мм гача) ёмғир ёғиши мумкинлигини айтди.

Арканзас ва Теннесси штатларида кучли ёмғир кутиляпти.

Тўфон Теннесси штатида беш кишининг ўлимига сабаб бўлган. Индиана штатида 27 ёшли эркак юк машинасининг электр узатиш линиясига тўқнашиши оқибатида вафот этди.

Миссури штатида ўт ўчириш бўлими бошлиғи ҳалок бўлган. Пайшанба куни Миллий об-ҳаво хизмати минтақада камида 33 та торнадо бўлганини тасдиқлади.