АҚШда «Тинчлик кенгаши»нинг илк йиғилиши якунланди

Вашингтонда «Тинчлик кенгаши»нинг (Board of Peace) биринчи мажлиси ўз ишини якунлади.

CNN News телеканалининг хабар беришича, учрашувда 20 га яқин давлат етакчилари иштирок этган.

АҚШ Президенти Дональд Трамп дунё етакчилари олдида қилган чиқишида унинг ташаббуси билан тузилган мазкур Кенгаш БМТ фаолиятини «назорат қилишини» таъкидлади. Шунингдек, Трамп Қўшма Штатлар глобал можароларни ҳал этиш учун 10 миллиард доллар маблағ ажратишини маълум қилди.