АҚШда "Facebook"ка бойкот эълон қилиш таклиф этилди

АҚШда "Facebook"ка нисбатан расизм айблови бўйича бойкот эълон қилиш таклиф этилди. Бу ҳақда Islam.ru сайти орқали хабар тарқатилди.

Бойкот ташаббускорлари бу ишни кейинчалик ҳам давом эттирмоқчи. Ижтимоий тармоқ маъмурияти ҳуқуқ ҳимоячиси бўлган ташкилотнинг талабини бажармаган.

Free Press томонидан тарқатилган пресс-релизда жумладан, шундай дейилган: “Facebook бизнинг талабларимизга жиддий ёндашмас экан, бойкотни кенгайтиришда давом этамиз”.

Ушбу ташкилот раҳбари Жессика Гонсалес компания раҳбари Марк Цукерберг ва компаниянинг амалиётлар директори Шерил Сэндберг билан учрашди. Гонсалеснинг сўзларига кўра, ижтимоий тармоқ раҳбарияти бойкотчиларни “чоралар кўраётганига” ишонтира олмаган.

“Биз босим ўтказишда давом этишимиз керак”, дея қўшимча қилди Гонсалес.

Сал илгари АҚШнинг бир қатор реклама берувчилари Facebook’да реклама беришни тўхтатишларини эълон қилишган эди. Сабаби ижтимоий тармоқ расистлик кўринишида хабарларни блокламайди ва текширилмаган хабарларни ўчирмайди.