АҚШда бир миллиондан ортиқ мижоз қор бўрони туфайли электрсиз қолди

Мамлакатни қамраб олган қор бўрони туфайли АҚШнинг 1 миллиондан ортиқ электр энергияси истеъмолчиси электрсиз қолди.

PowerOutage мониторинг ресурсига кўра, 1 018 477 хонадонда электр узилишлари қайд этилган. Энг жиддий электр узилиши Теннесси штатида бўлиб, у ерда 300 000 дан ортиқ истеъмолчи электрсиз қолди. Техас, Луизиана, Алабама ва Жоржия штатлари каби жануби-шарқда ҳам электр узилишлари кузатилмоқда.

Жами 23 та штат фавқулодда ҳолат эълон қилди ва NBC News маълумотларига кўра, об-ҳавонинг кескин ўзгариши ҳақидаги огоҳлантиришлар АҚШнинг 185 миллион аҳолисига таъсир кўрсатди. 25 январь куни мамлакат бўйлаб 10 000 дан ортиқ рейслар бекор қилинди. Президент Дональд Трамп 23 январь куни мамлакат фавқулодда хизматлар кутилаётган рекорд даражадаги совуқ ва қор бўронларига тайёр эканлигини эълон қилди.