АҚШ Венесуэла қирғоқларида Панаманга қарашли танкерни қўлга олдими?

Венесуэла қирғоқлари яқинида АҚШ томонидан тутиб олинган танкер АҚШ Молия вазирлигининг қора рўйхатига киритилмаган.

Бу ҳақда The New York Times (NYT) манбаларига таяниб хабар берди.

Уларнинг манбаларига кўра, кемада Панама байроғи кўтарилган.

Бу кема Венесуэла нефтини олиб кетаётган Centuries номли танкер эди. Газетанинг аниқлик киритишича, у АҚШ Молия вазирлиги томонидан қора рўйхатга киритилмаган. Юк Хитой нефтни қайта ишлаш заводларига Венесуэла ёқилғисини етказиб берувчи хитойлик нефть трейдерига тегишли бўлган.

Соҳил хавфсизлик хизмати ҳибсга олинган кеманинг номи Centuries эканлигини тасдиқлади.