АҚШ президенти Дональд Трамп Вашингтон Венесуэла нефтига бўлган эмбаргони Американинг барча талаблари бажарилмагунча сақлаб қолишини айтди.
Америка етакчиси Каракасга авиазарбалар уюштирилгани ҳамда Венесуэла етакчиси Николас Мадуронинг қўлга олиниши ортидан ўтказилган матбуот анжуманида айтиб ўтди.
Трамп эса қандай талабларни назарда тутаётганига аниқлик киритмади.
"Венесуэла етакчилари Мадуро билан содир бўлган воқеа уларнинг бошига тушиши мумкинлигини тушунишлари керак", — дея қўшимча қилди АҚШ президенти.
Матбуот анжуманида иштирок этган Бош штаб бошлиқлари қўмитаси раиси генерал Дэн Кейн, АҚШ ҳарбийлари операцияда F-35 ва F-22 қирувчи самолётлари ҳамда B-1 бомбардимончи самолётларидан фойдаланганини таъкидлади.
