АҚШ ва Жанубий Корея душанба куни йирик қўшма ҳарбий машғулотларни бошламоқчи бўлиб, икки узоқ йиллик иттифоқчи давлатлар "Шимолий Кореядан келаётган ҳарбий таҳдидларга қарши биргаликдаги тайёргарликни" кучайтиришга интилмоқда.
Сеулда жойлашган Yonhap News агентлигининг хабар беришича, ҳар йили ўтказиладиган “Ulchi Freedom Shield” (УФС) машғулотлари душанбадан 31 августга қадар компютер симуляциясига асосланган қўмондонлик-штаб машқлари, бир вақтнинг ўзида дала машғулотлари ва Улчи фуқаролик мудофааси машғулотлари каби турли фавқулодда машқларни ўз ичига олади.
Жанубий Корея Бирлашган штаб бошлиқлари томонидан эълон қилинган баёнотга кўра, машғулотлар даврида 30 га яқин иттифоқчи дала машғулотлари ўтказилиши режалаштирилган.
Машғулотларда икки давлат армияси, денгиз флоти, ҳаво кучлари ва денгиз кучлари ходимларидан ташқари АҚШ космик кучлари ҳам иштирок этади.
Машғулотларга АҚШ ва Жанубий Корея кучларидан ташқари, БМТ қўмондонлигига аъзо тўққизта давлат, жумладан Австралия, Канада, Франсия, Буюк Британия, Греция, Италия, Янги Зеландия, Филиппин ва Таиланд ходимлари ҳам иштирок этади.
Қувайт энди Эронга ошкора ваъда берди
Россиянинг уруш машинаси тезлашмоқда
Эндиликда 11,25 млн сўмдан юқори пул ўтказмалари қатъий назоратда бўлади
