АҚШ ва Исроил Эронда мақсадларига эриша олмади

The Responsible Statecraft нашрига кўра, АҚШ ва Исроил Эронга қарши бошланган ҳарбий кампанияда кутилган натижаларга эриша олмаган.

Нашр таъкидлашича, Вашингтон ва Тель-Авив урушни катта умидлар билан бошлаган, аммо бу ҳаракатлар аксинча вазиятни янада кескинлаштирган.

Хусусан, мақолада қайд этилишича, можаро натижасида минтақавий кескинлик кучайган, нефть инқирози юзага келган ва бу дунё иқтисодиётига ҳам салбий таъсир кўрсатган.

Муаллифлар фикрича, ушбу ҳолат нафақат ҳарбий жиҳатдан муваффақиятсизликка олиб келган, балки Эрон жамоатчилигида ҳукумат позициясини мустаҳкамлаган.